剛才幫緊老公scan文件時，突然發現小強出現喺電視上面個櫃到，老公又有第二樣野忙緊，一scan完d文件就立即逃離房間，等咗一陣老公都仲未得閒，Brandon又補緊習，唯有硬住頭皮去迎戰，再走入房，隻死野仲喺度，於是走入廚房攞殺蟲水，企上張櫈去攻擊，點知距離太遠，放近d張櫈，再次攻擊，一次兩次，有d異樣，再多一次，小強半飛半跌，跌咗落防潮櫃側邊，連珠發射，佢就匿埋入防潮櫃後面，於是喺防潮櫃三邊狂噴，都未肯走出來，拉開防潮櫃，咦？隻野去咗邊？等咗一陣，聽到附近個紙袋有d聲，拉開一睇，真係喺到，對住佢狂噴，反肚癱喺地，繼續再噴，點知佢竟然反返轉再匿埋，呢個時候老公忙完，可以幫手，跟住老公就拉開個袋，再用廢纸一手卒死小強，完了！

知道會有新一輯MacGyver, 好期待首主題曲, 好想知會否從新編曲原先的主題曲, 至於主角就不抱期望, Richard Dean Anderson演MacGyver時是長頭髮, 但2016版的劇照, 飾演的Lucas Till令MacGyver變成頭髮蓬鬆, 粗枝大葉的小伙子, 這個已令我有點不悅, 兒時的偶像現在變成這樣子, 怎搞的!

昨日在科學園舉行的憤怒跑是我整家人參加跑步賽事以來最差的一場, 雖然是一場fun run, 但一點都唔fun, 五月尾已經踏入夏季, 即使只跑3公里, 亦沒有排名, 大會亦應注意跑手安全, 裂日當空, 起步時間竟然安排在11點、12點同1點, 而且跑手大部分都是小朋友, 想出這個安排的人一定從未跑過步, 亦沒有小朋友。昨日11點氣溫已達30度, 踏正11點時, 起點位置沒有任何工作人員, 所有參加11點跑的大人及小朋友在裂日下暴晒好一陣子, 後來有人找來工作人員詢問為何遲遲未開步, 原來那幾位不知名的美少女嘉賓遲到, 她們到場之後又要再等大合照才能開跑, 足足等了15分鐘之後才正式開跑, 跑道上負責對跑手作出指示的某幾位女工作人員當然亦很盡責, 要在詢問下才作指示。 當我跑到最後1公里時, 發現有一兩位女跑手跑了不足1公里就掉頭, 十分有鬥志! 另外沒有想到的, 是3公里的fun run, 竟然增加多了三百至四百米路程, 設計路段者當然要記一功。最後最無fun的便是攤位遊戲, 所有遊戲獎品都相同, 而且難度亦一致, 可以得到Angry bird毛公仔的, 應該相當非比尋常。