我估好多人都試過食物放在眼前, 得個睇字, 尤其有個喜歡玩煮飯仔嘅朋友, 日日放相上whatsApp, 每次都係睇佢同佢屋企人今晚食乜餸, 自己就饌手指。最近有兩位朋友去完旅行都選擇送糖比我, 係窩心, 不過一個送薄荷糖, 一個送牛奶朱古力, 我對薄荷敏感, 少量還可以, 一過量就會嘔, 所以牙膏亦只會用兒童用的, 甚至不用牙膏, 至於薄荷糖, 完全係我嘅kryptonite, 心意接受, 包糖就比Brandon食。芝士同牛奶都係我favourite食物之一, 可惜早半年前發現奶類製品容易誘發牛皮癬, 食同皮膚兩者之間, 唯有選擇皮膚, 十幾廿年來皮膚差原來係跟牛奶有關, 放棄芝士牛奶真不容易, 停食以後這半年來, 皮膚續漸好轉, 最後包朱古力當然落在老公手中。